5-сабак   Йоттошкон тамгалар: я, ю, е, ё. Конструкция. Кечиресиз, айтып коёсузбу?
Кептик тема. Макул болуу. Баш тартуу.
Уккула,кайталагыла.
я – йа :      аял – [айал]           аяк – [айак]              таяк – [тайак]

е – йэ :      киет – [кийэт]          чиет – [чийэт]          тиет – [тийэт]

ё – йо :     боёк – [бойок]         коёт – [койот]           тоёт – [тойот]   

                                                                                  чоёт – [чойот]
ю – йу :     тоют – [тойут]         куюн – [куйун]           буюм – [буйум]
1. Уккула, окугула.

– Бул ким?       – Бул аял.

– Бул эмне?     – Бул аюу.

– Бул ким?       – Бул таята.

– Бул эмне?     – Бул боёк.

– Бул ким?       – Бул таене.

– Бул эмне?     – Бул оюн.

– Бул ким?       – Бул таяке.

– Бул эмне?     – Бул коён.

– Бул эмне?     – Бул буюм.

2. Угуп түшүнүү.

* * *

– Бул ким?

– Бул менин таятам. Ал ардактуу эс алууда. Ал 70 жашта.

* * *

– А бул ким?

– А бул менин таенем. Ал 65 жашта. Ал дагы ардактуу эс алууда.

* * *

– Бул ким?

– Бул таякем. Ал 50 жашта. Ал Жогорку Кеңеште иштейт. Ал мыкты адис.

* * *

– Бул эмне?

– Бул боёк. Боёк менен сүрөт тартабыз.

* * *

– Бул эмне?

– Бул оюн. Оюндун ар кандай түрү бар.

3. Уккула. Жаттагыла. Макул болуу

Ооба

Мен макулмун

Мен каршы эмесмин

Сиз туура айтасыз

Кубануу менен

Жан дилим менен

Мен да ушундай дейм.                        

Мен да ушундай ойлойм                                       

Мени толук канааттандырат                                 

Менимче, ушундай                                                 
Кечирим суроо

Кечиресиз. Кечириңиз

Кечирип койсоңуз (коюңуз)

Кечирим сурайм.

Кечирем (-ин)

Кечиримдүү

Кечиримсиз

Тынчыңызды алгандыгым үчүн

Алагды кылгандыгым үчүн

Сөзүңүздү бөлгөндүгүм үчүн

Баш тартуу

Жок                                                                          

Жок, мен эч анте албайм                                       

Мен макул эмесмин                                                      

Мен каалабайм                                                        

Мен баш тартам                                                      

Мен буга каршымын                                           

Сиз жаңылып жатасыз
4. Диалогду уккула, окугула.


– Салам, Аман.

– Салам.

– Эртеӊ отурум болобу?

– Ооба.

– Катышасыӊбы?

– Ооба, катышам.

– Салам, Бакыт. 

– Салам.

– Жаӊы долбоордо чогуу иштебейлиби?

– Мен макулмун.

– Асанды да кошуп албайлыбы?

– Мен каршы эмесмин.

– Долбоордун темасы сени канааттандырабы?

– Ооба, мени толук канааттандырат.

– Мен да ушундай ойлойм.

– Саламатсыӊбы, Азамат.

– Саламатсыӊбы, Атай.

– Эртеӊ Москвадан Айгүл  учуп келет.

– Аны тозуп алыш керек.

– Сен досуп аласыӊбы?

– Макул, кубануу менен тосуп алам.


– Саламатсыңарбы? Чогулуш кайда болот?

– Чогулуш жыйындар залында болот.

– Эмне маселе каралат.

– Жетекчини шайлоо ж.б. маселелер каралат.

– Кимди шайлайбыз?

– Менимче, жаңы жетекчи келет.

– Мен да ушундай деп ойлойм.

– Жаңы кандидатурага макулсузбу?

– Мен каршы эмесмин.

– Жыйналышта көрүшкөнчө.

– Көрүшкөнчө.


– Саламатсыӊбы, Асан.

– Саламатчылык, Болот Бектенович.

– Башкы эсепчини көрдүӊүзбү?

– Жок, көргөн жокмун.

* * *

– Саламатсызбы, Бектур Асанович.

– Саламатчылык.

– Жалпы бөлүмдү төртүнчү кабатка көчүргөнү жатат. Сиз макулсузбу?

– Жок, мен буга каршымын. Себеби, төртүнчү кабат ыӊгайсыз болуп калат.


– Саламатсызбы, кирүүгө уруксатпы?

– Кириӊиз.

– Сөзүӊүздү бөлгөндүгүм үчүн кечирип коюӊуз.

– Эч нерсе эмес. Баары жайында.

* * * 

– Эмне жумуш менен келдиӊиз?

– Мага иштеген жерден маалымдама берип коёсузбу?

– Азыр жумуш көп. Бир аз күтө туруӊуз.

– Шашып жатам. Күтө албагандыгым үчүн кечирим сурайм.

– Жакшы калыӊыз.

– Жакшы барыӊыз.


– Саламатсызбы? Кирүүгө уруксатпы?

– Кириңиз.

– Бир аз кечигип калдым. Кечиккендигим үчүн кечирим сурайм.

– Сиз мындан ары биз менен иштешесизби?

– Жок, мен баш тартам.

– Эмне үчүн?

– Себеби, экинчи жумушка убактым жетпей жатат.

– Ѳкүнүчтүү.

– Кийин биз менен иштешесизби?

– Жок. Менимче, иштеше албаймго?

– Шартыңызга караңыз.

– Тынчыңызды алгандыгым үчүн кечирип коюңуз.

– Жакшы калыңыз.

– Жакшы барыңыз.

Банкта – Кечиресиз, сизден суроого болобу?
– Ооба, угуп жатам.
– Мен карточкамды алмаштырайын дедим эле. Кайдан алмаштырсам болот?
– Төртүнчү терезеге барыӊыз. Ошол жактан толук маалыматты аласыз.
– Жардамыӊызга, рахмат.
– Эч нерсе эмес. Келип туруӊуз.